2 MIN READ

ఊపిరితిత్తుల పని వాయువులను మార్పిడి చేయడం. ఊపిరితిత్తుల యొక్క పెద్ద
ఉపరితల వైశాల్యం వల్ల ఊపిరితిత్తులు నేరుగా బహిర్గతమయ్యే అవకాశం
ఉంది కనుక అది విషపూరితం అయ్యే ప్రమాదాన్నిపెంచుతుంది. వయస్సు మీద
పడ్డాక ఊపిరితిత్తులలో వచ్చే మార్పులు ఊపిరితిత్తుల వృద్ధాప్యం వల్ల
మాత్రమే కాదు, సంవత్సరాలుగా ఊపిరితిత్తులు ఎదుర్కొంటున్న పరిస్థితులు
కూడా చాలా ప్రభావం చూపిస్తాయి. ఊపిరితిత్తులకు ఎక్కువ హాని కలిగించే అంశం
ఏంటంటే పొగకు గురికావడం (పారిశ్రామిక ఉద్గారాల నుండి వచ్చే పొగ, వాహన
కాలుష్యం మరియు మరీ ముఖ్యంగా సిగరెట్ పొగ).
ముఖ్యంగా సిగరెట్ పొగ అనేది చాలా ప్రమాదకరం. అలాగే నిష్క్రియాత్మక
ధూమపానం కూడా ఒక ప్రధాన కారకం, అని ఈ మధ్యనే గుర్తించబడుతోంది.
వయస్సు రీత్యా ఊపిరితిత్తులలో ఏర్పడే మార్పులు
ఊపిరితిత్తులు ఆక్సిజన్ మార్పిడి కోసం ఉపరితలాన్ని అందిస్తాయి, ఇది
మనుగడకు ముఖ్యమైన అణువులలో ఒకటి. దురదృష్టవశాత్తు, ఆక్సిజన్ యొక్క
ఫ్రీ రాడికల్స్ ఏర్పడటం ద్వారా అది ఊపిరితిత్తుల యొక్క ఎపిథీలియల్
లైనింగ్‌కు కూడా నష్టం కలిగిస్తుంది. ఇవి కణజాల నష్టానికి దారితీసే తాపజనక
అణువుల విడుదలకు కారణమవుతాయి.
సాధారణంగా, ఆక్సిజన్ యొక్క ఫ్రీ రాడికల్స్ ఊపిరితిత్తులను గాయపరిచేలా
చేస్తుంది మరియు ఊపిరితిత్తులని తొందరగా వృద్ధాప్యానికి చేరుస్తాయి.
ధూమపానం చేసేవారి ఊపిరితిత్తులలో ఉత్పన్నమయ్యే ఫ్రీ రాడికల్స్
సంఖ్య చాలా ఎక్కువ మరియు ధూమపానం చేయనివారి ఊపిరితిత్తుల కన్నా కూడా
అవి చాలా ప్రమాదకరమైనవి.
ఊపిరితిత్తులు త్వరగా వృద్ధాప్యం చెందటానికి కారణమయ్యే ఇతర ప్రమాద
కారకాలు కూడా ఉన్నాయి. అవి:

 ప్రీ-మెచ్యూరిటి
 ఆస్తమా
 పర్యావరణ విషపూరితాలు, కాలుష్యం
 సరైన పోషకాలు లేకపోవటం (ముఖ్యంగా వృద్ధులలో)
 శ్వాసకోశకు సంబంధించిన అంటువ్యాధులు
 శారీరక శ్రమ తక్కువ ఉండే నిశ్చల జీవన విధానం
నిర్మాణ మార్పులు
శ్వాస యూనిట్లు ప్రాథమికంగా మూడు రకాల కణజాలాలతో తయారవుతాయి:
అల్వియోలీ మరియు వాయుమార్గాలు, ఛాతీ గోడ మరియు శ్వాసకోశ కండరాలను
కలిగి ఉన్న ఊపిరితిత్తుల కణజాలం.
ఊపిరితిత్తుల కణజాలంలో మార్పులు:
అల్వియోలీ విస్తరణ మరియు వాటిలో సాగే కణజాలం క్షీణించి అల్వియోలీ
యొక్క యాధస్థితి మార్పుకు మరియు శాశ్వత సాగతీతకు దారితీస్తుంది. దీనిని
“సెనైల్ ఎంఫిసెమా” అంటారు. అల్వియోలార్ ఉపరితల వైశాల్యం 20% వరకు
పడిపోతుంది. ఇది శ్వాసక్రియ దశ (నిశ్వాస) సమయంలో వాయుమార్గాలు
కూలిపోయే ధోరణికి దారితీస్తుంది.
వృద్ధాప్యానికి సంబంధించిన వివిధ రకాల పదార్థాలను నిక్షేపించడం వల్ల
వాయుమార్గాలు కూడా గట్టిపడతాయి.
వాయుమార్గాలను లైనింగ్ చేసే ఎపిథీలియల్ కణాలు శ్లేష్మం స్రవించే
ముఖ్యమైన పనిని చేస్తాయి, ఇవి వాయుమార్గాలలో కందెనగా పనిచేస్తాయి,
తద్వారా అవి దెబ్బతినకుండా నిరోధిస్తాయి. వయస్సుతో ఎపిథీలియల్ కణాలు
కూడా తగ్గుతాయి, ఇది వాయుమార్గాల పొడిగా మరియు దాని చికాకుకు
దారితీస్తుంది. అందువల్ల వాటికి సంక్రమణ ప్రమాదం ఎక్కువగా ఉంటుంది.
ఛాతీ గోడ మార్పులు
ఛాతీ గోడలో సంభవించే మార్పులు:
 పక్కటెముక మృదులాస్థి యొక్క కాల్సిఫికేషన్,

 వెన్నుపూస కాలమ్ యొక్క ఇంటర్-వెర్టిబ్రల్ డిస్కులలో మార్పులు
 ఛాతీ గోడ యొక్క కండరాలలో మార్పులు.
ఛాతీ గోడ గట్టిగా మారుతుంది మరియు శ్వాస తీసుకోవడం కష్టంగా అవుతుంది.
ఇంటర్-వెర్టెబ్రల్ డిస్క్ కుదించుకుపోవడం వల్ల 10% మంది వృద్ధులలో ఇది
కైఫోసిస్‌కు దారితీస్తుంది. ఇది గూని కి మరియు పీపా ఆకారపు ఛాతీకి
దారితీస్తుంది.

శ్వాసకోశ కండరాలలో మార్పులు
శ్వాసకోశ కండరాలలో వయస్సుకు సంబంధించిన ప్రధాన మార్పులు ఏంటంటే :-
కండరాల బలం మరియు ఓర్పు తగ్గుతాయి అందువల్ల శ్వాస తీసుకోవడంలో చాలా
ఇబ్బంది ఏర్పడుతుంది.
రక్తప్రసరణ వల్ల గుండె ఆగిపోవడం, దీర్ఘకాలిక అబ్స్ట్రక్టివ్ పల్మనరీ
వ్యాధి మరియు పేలవమైన పోషణ వంటి ఇతర సహ-అనారోగ్యాలు శ్వాసకోశ
సమస్యలకు దోహదం చేస్తాయి.
క్రియాత్మక మార్పులు
వయస్సు పెరిగేకొద్దీ ఊపిరితిత్తుల సామర్థ్యం తగ్గుతుంది. శ్వాసించడం
లో ఆరోగ్యకరమైన యువకులతో పోలిస్తే వృద్ధులలో 120% ప్రయాస
పెరుగుతుంది.
వృద్ధులు కూడా యువకుల మాదిరిగానే నిమిషానికి అన్నిసార్లే ఊపిరి
పీల్చుకుంటారు. కానీ, వృద్ధులలో శ్వాస వేగంగా మరియు నిస్సారంగా ఉంటుంది.
వ్యాయామానికి ప్రతిస్పందనగా యువకుడితో పోలిస్తే శ్వాస రేటు
వృద్దులలో పెరుగుతుంది. ఆరోగ్యకరమైన వృద్ధుడు అయినా కూడా వ్యాయామం
తర్వాత ఆరోగ్యకరమైన యువకుడి కంటే కూడా ఎక్కువ ఊపిరి అవసరం ఉంటుంది.
ఆరోగ్యకరమైన వృద్ధులలో నిద్ర క్రమరహిత శ్వాస చాలా సాధారణం. గురక,
స్లీపింగ్ మాత్రలు తీసుకోవడం మరియు ఇతర ఉమ్మడి అనారోగ్యాలు
ఆక్సిజనేషన్ లోపం యొక్క నివేదించని కేసులకు దారితీస్తాయి మరియు
నిద్రలో స్ట్రోక్ ప్రమాదాన్ని పెంచుతాయి.

శ్వాసకోశ అవరోధం, అల్జీమర్స్ వ్యాధి మరియు రక్తప్రసరణ గుండె
ఆగిపోవడం వంటివి చెడు ఫలితం కలిగించే చాలా సాధారణ క్లినికల్ కలయికగా
కనిపిస్తాయి.

ఊపిరితిత్తుల యొక్క రోగనిరోధక పనితీరుపై వృద్ధాప్యం యొక్క
ప్రభావాలు
వృద్ధాప్యంలో శ్లేష్మ అవరోధం బలహీనంగా మారుతుంది, ఇది వాయుమార్గాల
పొడిబారేలా చేస్తుంది మరియు వాయుమార్గాన సంక్రమణ ప్రమాదాన్ని
పెంచుతుంది. రక్షణ విధానాలకు నష్టం కలిగించడంలో ధూమపానం చాలా వరకు
దోహదం చేస్తుంది. రోగనిరోధక శక్తి తగ్గడం వల్ల వృద్ధులలో క్రింది
శ్వాసకోశ అంటువ్యాధుల పెరుగుదలకు దారితీస్తుంది.
వృద్ధాప్యంలో పోషకాహార లోపం మరియు మధుమేహం అనేవి పిలవకుండా వచ్చే
చుట్టలాంటివి. ఈ రెండు న్యుమోనియా సంభవించడానికి దోహదం చేస్తాయి
మరియు వయస్సు సంబంధిత రోగనిరోధక శక్తి క్షీణత టీకాలకు ప్రతిస్పందన
తగ్గడానికి దారితీస్తాయి, చివరికి శ్వాసకోశ ఇన్ఫెక్షన్ల ప్రమాదం
పెరుగుతుంది మరియు కోలుకోవడం ఆలస్యం అవుతుంది.

Ask a question regarding శ్వాసకోశ వ్యవస్థ యొక్క వృద్ధాప్యం

An account for you will be created and a confirmation link will be sent to you with the password.

LEAVE A REPLY

Please enter your comment!
Please enter your name here